Игорь Бутман: Биз огърашкъан шей иш дегиль, бу музыкагъа севги

Koktebel Jazz Party — 2015 фестивалинде учюнджи кунь хедлайнери Игорь Бутман икяе этти ки, онынъ биг-бэндининъ программасы озю уйдургъан эсерлерден ве Николай Левиновский эсерлеринден тешкиль этиледжек.

«Бизге Лариса Долина къошулгъанда, — эльбет, услюбий сынъырлары олмагъан мешур йырджы, — биз эм джаз, эм фолк-, эм рус, эм рагъбетли йырларны чалармыз», — деп, къошты о.

Чалгъыджы Коктебельде фестивальнинъ энъ биринджи куннинъ чыкъышы акъта тариф этти. «О вакъыт мен бугуньки киби биг-бэнднен дегиль, квартетнен чыкъышта булундым. Сана кене де денъиз огюнде эди, аджайип бир кунь эди. Пек чокъ адам бар эди, олар буюк бир меракъ иле музыканы къаршылай эдилер. Сув, догърусыны айтсам, бугунькисине бакъкъанда, бираз сувукъча эди», — къайд этти Игорь Бутман.

О фестивальде иштирак этювге АКъШ ве Евросоюз озь ватандашларына ясакъ эткенинен багълы вазиетке де тевсир этти.

«Менде эм Русие, эм Америка паспортым бар. Мен де бойле мектюп алдым, анда манъа Koktebel Jazz Partyге кельмек тевсие этильмегени акъта сёз юрьсетиле эди. Джаз — сербестлик музыкасы. Мен биринджи оларакъ Русиеде буюк джаз фестиваллерни кечирип башладым. Онынъ ичюн мен Koktebel Jazz Party — 2015-ке даветни къабул этмесем, бу догъру олмаз деп, тюшюндим. Мен Барак Обамагъа мектюп яздым ве Петр Михайлович Порошенкогъа язмагъа истейим. Чюнки биз мында огърашкъанымыз — иш дегиль, бу джошкъунлыкъ ве музыкагъа севги», — икяе этти Игорь Бутман.