Afromania: Джаз – бу атешин музыка

Koktebel Jazz Party — 2015 фестивалининъ учюнджи куню матбуат-меркезге биринджи оларакъ Afromania такъымынынъ иштиракчилери кельдилер. Чалгъыджылар Koktebel Jazz Partyде ве Коктебельде булунувны бегенгенлери акъта икяе эттилер ве сейирджилерни акъикъий аврикан музыкасынен къувандыраджамыз деп, ваде эттилер.

«Музыка — бу инсан омюрининъ бир къысмы. Джаз исе — бу атешин музыка», — деди иштиракчилернинъ бири, Фононан Апполинер.

Чалгъыджылар фестивальде фольклор программасы иле чыкъаджакъларыны да тариф эттилер. Санада давуллар янъгъырайджакъ, чокътан-чокъ халкъ вокал эсерлери иджра этиледжек.

Матбуат-конференция девамында иштиракчилернинъ бириси айтты ки, ерли алкоголь ичимликлернинъ дадыны бакъмагъа пек истей экен.

«Эгер бир ерде кезмек, отурмакъ, тамам сизинъ аньаневий ичимлигинъизни, ракъы ичмек мумкюн олса… Мен ичип бакъмагъа истейим. Мен ичем, онынъ ичюн коньяк ичмек те мумкюн», — деди Зерегуи Брис Флорентан Фуако.