Gonzalo Rubalcaba: Бизим музыкамыз – бу пиринч ве бакъла мевзусында хаял

Koktebel Jazz Party — 2015 экинджи кунюнинъ хейлайнерлери — Grammy мукяфатынынъ дёрт дефа саиби, Кубалы пианоджы ве бестекяр Gonzalo Rubalcabaнынъ коллективи.

«Мында булунмакъ мен ичюн буюк къуванч. Биз Русиеде ильк кере булунамыз. Биз ичюн мында булунмакъ, дигер чалгъыджылар иле бу фестивальде иштирак этмек буюк шереф», — деди о.

Horacio Hernandez такъымынынъ иштиракчилеринден бири къайд этти ки, бу фестивальде иштирак этмеге мемнюн ве тешкилятчыларгъа давет эткенлери ичюн миннетдарлыкъ бильдирди. «Бизим музыкамыз — бу джанлы бир хаял киби. Догъгъан еримизни — Кубаны, Пуэрто-Риконы назарда тутсакъ, о хусусийдир. Анда пирнични ве бакъланы пек севелер, онынъ ичюн бизим музыкамыз — бу пирнич ве бакъла мевзусындаки хаял демек мумкюн. Шимдики вакъытта булунаракъ, биз келеджекнинъ музыкасыны чалмагъа тырышамыз», — икяе этти о.

Чалгъыджылар айткъанына коре, олар санкциялардан сакъынмайлар ве Коктебельге кене кельмеге умют этелер.

«Биз ичюн бу бир тюрлю меселе дегиль. Биз сербест адамлармыз, не ерге истесек бара билемиз. Эгер бундан сонъ бир шей олса, биз эписи бир сербест адамлар олып къаламыз», — деп, къошты Gonzalo Rubalcaba.