Koktebel Jazz Party башланды!

Koktebel Jazz Partyнинъ эсасчысы, «Россия сегодня» МХА-нинъ баш мудири Дмитрий Киселёв Коктебельде фестивальни ачты.

«Сизни Коктебельде бу 13-нджи къадифе джаз мевсиминде корьмеге пек мемнюним. О он учюнджи олгъаны ичюн, нукъсанлыкъсыз олмады — булар эльнен япылгъан шейлер. De-Phazz такъымыны токътаттылар. Сиз билесиз ки, биз «ВКонтакте» акъта Кубада догъгъан америкалы боразанджы Артуро Сандовалнынъ мектюбини дердж этик, анда о айтты ки, оны пара джезалары иле къоркъузалар», — деди Дмитрий Киселёв фестивальнинъ ачылувында.

Фестиваль эсасчысы мусафирлернинъ дикъкъатыны ай ярыгъына джельп этти. «Бу гузель бир алямет. Бойлеликнен, биз фестивалимизни ачамыз. О Русие Федерациясы медениет назирлиги дестеги иле кечириле. Халкъара хабер агентлиги «Россия сегодня» ве Умумрусие девлет телерадиокомпаниясы фестиваль тешкиль этилювинде озь кучьлерини бирлештирдилер. «Красный квадрат» ширкетини давет эттик, о бу зенгинликни биз ичюн къурды. Занымджа, бу учь бахтлы кунь оладжакъ», — деди Дмитрий Киселёв.