Koktebel Jazz Party билетлери сатылувындан паралар Коктебель мектебине берильди
Организаторы Koktebel Jazz Party фестивалининъ тешкилятчылары билетлер сатылувындан къазанылгъан параларны Коктебель къасабасынынъ мектебине теслим эттилер. Весает шурасынынъ къарары боюнджа паралар окъув муэссисенинъ абаданлаштырылувына масраф этиледжек.
Халкъара фестиваль Koktebel Jazz Party 2015 сене августнынъ 28-30 куньлери Коктебельде кечти. Бренднинъ укъукъ саиби «Россия сегодня» МИА сайыла, 2015 сене тедбир тешкилятчысы оларакъ «Красный квадрат» ширкети чыкъты. Генераль шерик Умумрусие девлет телерадиоширкети олды. Фестиваль Русие Федерациясы Медениет назирлигининъ къол тутувы иле кечти.
2015 сене фестиваль ачылувында «Россия сегодня» МИА-нынъ генераль мудири Дмитрий Киселёв сейирджилерге хабер этти: бу сене паралар Коктебельнинъ 1 номералы мектебининъ мадий-техникий донатылмасына догъуртыладжакъ.
«"Красный квадрат" берильген умумий къарарыны беджерди, ве бир къач кунь эвель малие Коктебель мектебине догъуртылгъан эди. Мектепнинъ весает шурасы биринджи невбетте тургъан тедбирлерни бельгилемеге керек, оларгъа бу паралар масраф этиледжек», — хабер этти ширкетнинъ генераль мудири Алексей Кисин, ве «Красный квадрат» озь тарафындан бу параларнынъ макъсадий масрафыны незарет этеджегини къайд этти.
Коктебель мектебининъ мудири вазифесини вакъытынджа эда эткен Сергея Жирадков бильдиргенине коре, мектепнинъ кескин меселелери аз дегиль.
«Джумхурий ве беледие бюджетлер бизим мектебимизге пара айыра эдилер, амма олар етишмей. Коктебель мектебине энди 35 йыл, ве бу вакъыт девамында мында ич бир кере капиталь тамир кечирильмеди. Мектеп буюк малий къошулувларыны талап эте», — дей мудир вазифесини беджерген инсан.
Озь тарафындан окъув муэссисенинъ васиет шурасы топлашув кечирди, бу ерде бир агъыздан конкрет макъсадлар бельгиленди. Шура реисининъ муавини Артём Мельниченко тариф эткенине коре, бугуньки куньге энъ эсас вазифе — электрик кабельни денъиштирмек, о трансформатор подстанциясындан мектепке еткизиле. Беш йыл эвельси мектептен тыш оны тамир эткенлер бираз боздылар. О замандан берли бу бозув ёкъ этильгени ёкъ. Бугунь мектепке ышыкъ эски резерв кабельден еткизиле, онынъ ерден устюн къысмы дым магъаздан кече. Эгер авария олса, мектеп ышыкъсыз къала биле.
«Электротеминнинъ эсас ве резерв кабеллери денъиштирильмеси — бу биринджи невбетте тургъан вазифе. Бундан гъайры, электрик кабель ашханеге кирсетиледжек ве илериде аш блогы тамир этильгенде земаневий донатмалар ерлештириледжек», — къайд этти Мельниченко.
Бундан гъайры, весает шурасы параларны янгъынлыгъ хафвсызлыгъыны темин этмек ичюн масраф этмеге къарар алды: гидрант, щит ве янгъынгъа къаршы сигнализация ерлештирмек ве янгъын краныны ве енъини денъиштирмек. Эм де авария ярыгъынынынъ ерлештирилюви прланлаштырыла. Бунъа уйгъун талапларны Февкъуляде вазиет назирлиги (МЧС) мектеп мемуриет огюне чыкъара. Невбетте тургъан даа бир вазифе — сыджакъ сув бойлерини мектепнинъ тыббиет нокътасында ве ашхане киришинде ерлештирмек. Буны Роспотребнадзор талап эте. Бундан гъайры, параларнынъ бир къысмыны мектеп азбарында 1-4 сыныф талебелери хавфсыз раатланмалары ичюн плитка денъиштирильмесине масраф этеджеклер.
Весает шура башынынъ муавини къайд эткенине коре, эписи бу меселелернинъ чезилюви — мектеп ичюн пек кереклидир. Бунсыз окъув муэссисеси садедже къапатыла биле. «Биз берильген парагъа сыгъмагъа тырышырмыз. Эвельки эсапларгъа коре, эписи вазифелер беджерильген сонъ паралар даа къалмакъ керек. Эгер ойле олса, биз даа бир кере весает шурасыны топлап, къалгъан малие боюнджа къарар алырмыз», — деп, къошты Мельниченко. Весает шурасынынъ башы Николай Болонкин паралар керекли киби масраф этиледжегинде эмин.
Эписи айырылгъан паралар мектеп ихтияджларына догъуртылмасында о шахсен озю авес, чюнки Николай Николаевичнинъ къызы бу мектепте окъуй.
«Мен бу мектепнинъ 1-нджи сыныфына 1983 сенеси кельдим ве о замандан берли мында аман-аман бир шей денъишмеди, тамир этильмеди дей биллем, — икяе эте Болонкин. — Эльбетте, косметик тамирлер этильди, амма ана-бабаларнынъ параларына. Бюджеттен паралар пек аз микъдарда келе эди. Спонсорлар, Коктебельнинъ кимер муэссиселери де ярдым эте эдилер. Лякин капиталь тамирлер, донатма денъиштирилюви япылгъаны ёкъ. Онынъ ичюн Дмитрий Константинович Киселёвгъа бизим балаларымыз эткени ичюн эписи ана-бабалардан буюктен-буюк тешеккюрлер. Озь тарафымыздан биз мекепимиз ичюн, балаларымыз ве сонъра торунларымыз нормаль сыныфларда окъумалары ичюн эр шейни япармыз».