Дмитрий Киселёв: чалгъыджыларнынъ джесаретлиги олмаса, бу шей олмаз эди

Акъшам шерифинъиз хайырлы олсун, азиз достлар!

2003 сене бу пек саде башланды — чадырлардан, оджакъ устюнде пилявдан ве джаз музыкасындан. Шимди исе, сиз коресиз, бу бутюнлей башкъа.

Мен буны омюрге кечирген эписи инсанларгъа миннетдарлыкъ бильдирмеге истейим. Сагъ олунъыз! Мында эр йыл кельгенлер, джаз фестивалине къол туткъанлар да сагъ олсунлар. Мен билем ки, мында, Коктебельге, 2003 сенеден берли кельгенлер, ве, айтылгъаны киби, шахсен мында олгъанлар бар. Даа меним украин зенаатдашларыма ве достларыма тешеккюр, олар озь истеклерине бакъмадан бу мейданны терк этмеге ве Jazz Koktebel джаз фестивалини Одесса виляетинде кечирмеге меджбур олдылар, чюнки Украинада «ишгъаль этильген ерлер» акъта къанун къабул этильген эди, о оларгъа джазгъа мында къол тутмагъа ясакъ эте. Амма олар, Одессада Коктебельни рагъбетлештирип, пек буюк, алидженап иш этелер.

Айры тешеккюрлер Америка эльчиханесине, о эйи иш япты, Одесса виляетинде Jazz Koktebelге къол тутмакъ къарарына кельди, биз мында оларны бутюнлей рагъбетлендиремиз — бу тамам шу сийрек расткельген шей. Даа бу фестивальни шимди, мына бу дакъикъада олуджы эткенлерге, эр кезге тешеккюрлер. Копюр къургъанларгъа, догъру манада ве кочме манада Къырым копюрини яраткъанларгъа ве бу фестиваль себеби иле Коктебельни ве бутюнлей Къырымны бутюн дюнья иле бирлештирген музыкаль копюр къургъанларгъа миннетдарлыкъ.

Бу фестиваль Русие Федерациясы Медениет назирлигиинъ дестеги иле, «Россия сегодня» МХА ве ВГТРК ширкетлерининъ бирлешкен кучьлеринен кечириле.
Эльбетте, мында бутюн дюньядан, беш къытадан, кельген чалгъыджыларнынъ джесаретлиги олмаса, бу мумкюн олмагъан шей олур эди. Онынъ ичюн биз эр кезге бизим тешеккюрлеримизни ве Коктебельден бизим сыджакъ селямымызны ёллаймыз. Сагъ олунъыз!